金銀菜豬肺湯

 上星期見BLOG友CICI 煲咗豬肺湯, 我又有樣學樣, 因為從來未煲過呢種湯。鬼佬又食煙, 一於以形補形。

我响豬肉檔買咗個已洗既豬肺, 未洗$5, 已洗$20。唔使問啦, 多$15緊係要洗咗嫁啦....

今日留, 聽日拎.....又洗得幾乾淨喎~ 我番到屋企都再灌洗多一陣, 真係冇血水再出喎~

洗完切件, 再白鑊炒幾轉.....(食譜材料可參考CICI小廚房)

真係好多水出嫁!!! 不過一路炒會一路少, 大約我炒咗6-7轉左右就OK喇~

煲出黎既湯係好清, 因為我係落豬展。味唔係太濃, 清清地幾啱呢D天氣飲.

豬肺用黎點豉油, 又一味餸...


其實豬肺都唔難攪oY~ 以後都要煲多D先得!