好兆頭

"有隻雀仔跌落水"~~~~ 

呀! 唔係! 係..."有隻雀仔飛入屋"




上星期同大家講過, 有晚無拿拿有隻雀飛咗入屋, 仲過咗一晚夜, 第二朝自己飛走咗。

其實嗰刻都有唸過, 雀仔入屋係好定壞呢?
吸血鬼不嬲都唔係好信呢D野, 不過今日有兩個好消息, 就令我覺得呢隻雀係好野黎嫁!

上個月做body check本來話鬼佬個心有發大現象, 叫佢做多個深入D既檢查, 今日打來話乜事都冇, 一切正常, 可放心!

另一件事就係, 鬼佬升職喇!


雖然可能係咁啱, 但我都多謝你呀雀仔, 多謝你帶來好兆頭!