跑爛鞋

BOBBY齊針後, 真係放心做好多野喇, 依家每日都會同佢去街街, 等佢習慣吓。同時都想佢有正常既狗狗社交。

雖然依家佢一見到狗就驚驚, 不過每次我都會抱住佢然摸摸其他狗,等佢冇咁驚。

多數我都會夜晚先去街街, 因為D狗狗大部份都係夜晚先會見到。不過有時我會日抖同佢落平台玩吓。因為嗰時冇人冇狗, 可以放繩任佢跑

佢真係好鬼BB嫁, 佢係唔會自己跑嫁~~佢一行開幾步, 望到我冇行, 又走番埋黎我身邊; 要我跑佢先會跟住我跑。放狗做運動一流!

結果....我邊會夠佢跑oY!! 我跑到鞋都爛埋囉!!! 好彩樓下啫, 搭番lift就到屋企喇!!
 BOBBY:" 媽咪唔夠我跑....汪汪" 

 炎炎夏日正好眠~~鬼佬偷拍我地兩個响到訓晏覺! 然後拎張相出黎話: 
"  我屋企有兩隻豬囉 唔係食就訓 "

 BOBBY: "太舒服了, 媽咪隻大脾好多肉, 好好枕呀~汪~~"

開始溝咗其他野比佢食, 有菜, 有羅白, 有雞肉........佢睇黎好開心, 食完笑住咁跑過黎~~



養狗真係好大樂趣, 好開心呀!!!