世盃後遺症

今年世盃我差不多每晚都有睇, 晚晚啤酒薯片走唔甩, 有時高興起黎仲整埋椒鹽雞翼尖。講真, 响屋企開住冷氣, 飲住啤酒食小食咁睇波, 真係爽到爆燈~ 

不過高興過後, 係要有少少付出的。經過一個月既沉淪, 加上呢排天氣太熱又比借口自己懶做運動, 抵抗力一差, 就病病了.....  

 上星期開始feel到自己喉嚨唔多舒服嫁喇, 即刻煲番羅漢果霸王花湯希望等喉嚨舒服D~

 

點知飲完一D用都冇.......

加上早兩晚番咗一晚通宵, 連咳都出埋黎。雖然之後訓番30個鐘, 但喉嚨依然痛.... 

飲完川貝D咳好番好多, 不過依家一烏低頭個喉嚨以上地方都好痛好唔舒服.......

快D好番呀~ 我仲有兩場波未睇嫁!!!