長洲遊 - 狗狗篇

: "媽咪, 點解坐車車嫁? 去邊呀? 係咪帶我去賣呀? "

上星期同鬼佬、兩位朋友一行四人三狗一齊玩個長洲之旅。好彩嗰日只係上午落咗一場雨, 去玩既兩日都好天都不得了呀!!! (曬屎人了~~)

咪以為BOBBY咁大隻佢地會怕怕, 實情呢兩隻細狗一D都唔中意同其他狗玩, 有一隻仲成日追BOBBY添

: "呢到邊黎嫁? 點解搖吓搖吓嫁??"

第一次坐船, 顯得有D不安.....兩隻約瑟就見慣大場面喇, 上船唔使10分鐘一於照訓~

: " 媽咪媽咪....係咪映我呀? 我行近D比你映呀...汪"

第一次去沙灘玩, 可惜約瑟唔同佢玩, 仲追佢九條街, 嚇到BOBBY驚咗佢....

原來狗狗天生係識游水嫁, 雖然BOBBY好怕落水, 但一放手又自然識游喎...

: "呵~~欠~~~媽咪下次咪攪我呀! 攰屎狗咩~"

三隻狗狗玩完一輪全部KO了...

第二日再黎單車戰, 不過佢地係坐响家庭車後面, 我地踩, 佢地嘆~~ 真係做狗好過做人呀!

唔知以為佢係長洲D"陀地"囉, 坐响人地士多門口當正自己鋪頭咁。

第一次帶BOBBY去咁遠既地方, 真係好開心呀! 雖然人狗都玩到謝哂, 不過真係好難得嫁~