黃金四季豆

 

吸血鬼隔離屋係一對60歲既夫婦, 先生為人冇乜點, 出入見到都會打招呼。

不過太太就唔係, 我住咗四年幾乎冇見過佢, 因為佢少出街之餘, 就算撞到, 太太都係烏低頭, 用1秒1既速度開口番屋企。(好似好怕見到人咁)

所以我根本連樣都認唔到佢,唯一知道係佢成頭白髮。

琴日咁啱我出街買餸, 去到𨋢口撞到佢等𨋢,好正常緊係笑笑口打過招呼, 話哂四年黎都冇正式見過面。

點知我一對住佢笑, 佢立即令轉面, 面向𨋢口當睇我唔到!!! (嗰刻我真係O咗咀)  攪到我成程𨋢都好唔自在

 

原來真係有人做人做咗幾十年, 都係咁怕同人接觸~~

 

 

今日呢個黃金四季豆好重口味~ 真係間中試吓好喇~ 我仲重手咗, 半包豆就用咗三隻咸蛋黃, 食時先覺得太多。

材料: 四季豆半包, 咸蛋黃3隻

1. 四季豆洗乾淨抺乾, 油炸至熟, 撈起

2. 中火熱鑊落牛油, 加入蒜蓉爆香

3.  加入咸蛋黃蓉推勻, 然後加入四季豆炒勻, 調味即成