給老爹的信(三)

老爸︰

你離開咗我四年喇, 點解給你的信得三呢? 因為女兒生活得好好, 有老公、有Bobby陪伴, 開心到差D忘記你喇~~  哈..因為掛住歡樂, 忘記以前既傷痛,你應該高興先啱呀~



希望你响嗰到既生活仍然開心。我其實冇忘記過你, 特別係你離開嗰段時間, 都冇忘記過, 應該响我有生之年都唔會忘記。幾多號, 發生D咩事, 我都仍然記得到, 只怪我記性太好。

呀E都生活得好好, 只係每次見佢時佢都會提起你, 又再講起你地以前既事。我其實希望佢早日再搵到個伴, 但佢睇黎仲未忘記到你去重新一段感情。我都明白, 最愛既人離開, 如果係我, 我可能連生存既勇氣都冇, 因為我只有一個老公。

我唸能夠支持住呀E, 係因為佢仲有一班囝囡同孫同佢一齊生活。老爸, 如果第日鬼佬有乜事, 我應該冇勇氣同動力再生存, 所以請你在天上保佑我倆。

老爸, 我成日唸, 如果真係有時光倒流既話, 我希望去番以前, 就算改變唔到未來, 我希望可以比你開開心心好滿足咁過日子。我希望自己唔好咁反判, 中學要你擔心, 畢業又不務正業要你擔心搵律師去救我。我希望可以早D識唸去搵錢買大屋同你一齊住, 同你開心行街飲茶既日子唔會係你離開前咁短既日子, 應該係我出黎做野搵錢就應該每個星期日就同你去....

可惜時間唔會倒流.......

每次我一唸到....就連呢刻都覺得好內疚忍唔住喊......

如果時光倒流.....我唔會再覺得父女間講野難以啟齒, 我會每日都同你講我愛你!


女兒