哈蜜瓜蘋果煲豬展

上星期睇肥媽個節目介紹哈蜜瓜湯, 夏天最好煲番呢D湯,飲落真係好舒服。

平時夏天煲黎煲去都係冬瓜同苦瓜湯, 今次我又學到野喇。因為我一路都唔知哈密瓜係可以用黎煲湯嫁。

雖然冇好似肥媽咁放響螺落去, 不過我就落咗2個蘋果, 煲出黎一樣清甜。其實仲有好多野可以放入去煲嫁, 上綱一搵就會知。



材料:
哈密瓜大半個 (少半個留黎做生果)
蘋果2個
豬展20蚊
沙參
玉竹
南北杏
蜜棗

上年夏天因為天氣熱, 所以比自己懶惰既理由, 成個夏天煲湯既次數數得出外, 涼茶亦懶煲。所以一入秋時就知道衰喇, 皮膚真係乾得緊要。所以保養、養生係要日積月累, 冇得懶嫁。

大家記得依家夏天, 除咗雪櫃要長備涼茶、祛濕茶之類, 湯水都唔少得嫁!