泰式鹽焗烏頭

 烏頭真係好平, 呢條只係賣$18。平時除咗用豉汁蒸, 都未試過其他煮法, 鬼佬話公司有人整鹽焗烏頭好好食, 等我又上綱搵吓食譜學吓整先得。

Search咗呢個泰式做法, 又幾啱我心水喎。 就係焗前將薑, 蔥, 蒜, 芫茜, 蔥頭..各樣既香料放入去, 當然可以放D泰式香料啦, 不過屋企冇就懶得去買喇。

 焗時將魚搽滿粗鹽, 多少冇所謂, 因為魚係原條買番黎, 冇起"倫"冇劏過。所以放得多鹽都唔會令魚入面好咸。

 我就用200度焗咗半小時, 不過各人爐火不同, 自己調較時間喇。

最精髓就係左邊碗泰式酸辣汁~~我好鐘意佢酸酸辣辣既感覺~~ 不過鬼佬就唔buy囉, 所以準備咗豆醬比佢。

酸辣汁村料:
魚露2湯匙
白醋2湯匙
砂糖2湯匙
青檸汁
蒜蓉
莞茜碎
辣椒 2條