星加坡喇沙咖喱湯米粉

啱啱响圖書館借咗本講咖喱既書番黎, 入面有教各國既咖喱: 印尼、印度、星加坡、馬來西亞.....

唔使講咁多, 即刻落街市既東南亞鋪掃貨~~ 一次過買咗泰式、印尼、星加坡既咖喱番黎

所以咖喱第一撃 - 星加坡坡坡坡坡.........

 

書入面碗喇沙米好靚呀! 我就冇佢映得咁靚喇, 不過食落都唔差嫁~

 書介紹既喇沙醬並唔係呢款, 但由於我搵唔到, 所以响超市買咗呢種

呢罐咖喱醬就各大超市有售

當然除咗湯底係跟足書之外, 其他材料都係自己決定, 雪櫃有乜就放乜啦! 

鬼佬話好辣喎, 我就覺得尚可接受啦! 可能對喇沙麻麻掛, 覺得冇乜味, 如果唔落咖喱的話, 我會覺得直頭唔好味添。 好喇, 試完新加坡咖喱, 又要準備下一撃!!!!

詳細做法唔多講喇, 只係好似一般煮面咁, 但湯底方面:

新加坡咖喱醬一罐

喇沙醬一包

椰醬200ml

水1L

將佢地煮埋一齊就係個湯底喇! 我有自己調過味, 加咗少少鹽同糖, 因為嫌佢味唔夠濃。書入面係冇任何調味嫁, 所以大家因應自己口味喇...