杜仲牛大力煲栗子雞腳

之前都煲過幾次杜仲湯嫁喇, 其實我幾鐘意飲藥材湯, 鐘意佢夠濃味, 又夠補。當然夏天唔可以成日都咁補啦, 特別係男人、燥底型人仕飲得多會喉嚨痛嫁。

如果身體嗰排差, 唔夠訓既人都唔啱飲。因為試過鬼佬開完通宵番黎, 飲完個人心跳加速。但當佢夠精神, 冇捱完夜飲, 又冇事喎。

所以話飲藥材湯呢家野, 真係要睇番自己體質呀!

 

今次張相係用番上次既, 因為今次唔記得咗映, 但呢次材料仲多咗, 所以碗湯勁好味。

杜仲

牛大力

雞腳

栗子

花生

腰果

蜜棗

瘦肉

聽聞杜仲有補腰補腎之功效, 又話男士飲用可壯陽喎~~~~ 咁........