蒜泥白肉

原來呢個餸一D都唔難整, 第一次已經成功.( 哈~我簡真係天才呀)  又方便, 又唔會買太多複雜野。

材料: 五花腩20蚊, 蒜頭一個半, 蔥粒一堆 (其實要比芫茜的, 不過我懶得買啫)
調味: 鎮江醋1湯匙 , 糖1.5湯匙 , 生抽2湯匙 , 老抽1茶匙 , 辣油2湯匙 , 麻油1茶匙 , 熱水3湯匙 (將所有調料撈入蒜泥及蔥粒)

做法:
1. 豬腩肉用薑, 蔥, 少少鹽, 熱水煲半小時
2. 煲完後熄火, 凍水先淨後, 立即放入冰水, 放入雪櫃下格雪1小時
3. 取出後切薄片, 淋上調味即可食用 (或可淋完調味後再雪, 更入味)

屋企冇攪伴機, 又冇磨蒜器, 所以係用刀啄嫁, 都幾泥oY。
我係蒜怪, 所以用咗一個半蒜頭, 講明先, 我用呢個份量都偏多, 食完個口陣怪好勁嫁~ 如果之後唸住同人講野或錫錫要唸過先呀!唔係個個都接受到嫁...

鬼佬好滿意呀, 又話個味好啱, 又話豬肉切得啱啱好...我都好開心呀!
其實上綱睇過好多食譜都唔用, 有D唔用鎮, 有D就用醬油, 正式既係點我就唔太知喇.  不過最緊要係調味時試味, 總之啱自己食就得啦~