醉雞

琴晚沖上雲燒嗰集真係幾好睇, 估唔到胡定欣竟然為咗幫朋友, 連自己既幸福都放棄埋. 現實中必有可能oY~  有的話, 我都只係覺得佢蠢囉!

講真, 要我取捨, 我一定揀自己幸福!  正所謂, 朋友唔會陪你一世, 家庭先最有可能係陪你到老嘛!

幾好既朋友, 到各自有家庭時都會疏於聯絡; 就算係兄弟姊妹, 細個幾親密都好, 都會因為越大, 而彼此感情疏落~ 

好喇~~ 唔好講D咁正經既野, 講番今晚隻雞先......     (又要比人食喇 >_<)




出親街食既醉雞我冇一次鐘意食, 可能因為d酒味太重, 我一D都唔like ~ 所以一路以黎我都覺得醉雞係唔好食既!

決定要自己做一次, 睇吓係醉雞唔好食, 定係出面既醉雞唔好食?

結果發現......雖然我未至於會鐘意食, 但起碼可以接受.

呢支香糟露真係好方便, 唔使自己再較味! 不過鐘意酒味重既朋友就未必啱喇, 但我就啱啱好, 我就係唔鐘意D野食有太重酒味.


自己再配埋菜飯, 好似好正中既上海菜咁...嘻嘻

1. 雞先蒸熟 (我半隻雞就蒸咗14分鐘), 然後立即放入冰水浸半小時 (可令雞肉收縮, 食時更滑; 亦可去肥油)
2. 香糟露浸過雞面, 放入雪櫃雪半日
係咪好易呢? 真係唔識煮飯既人都攪得掂呀! 下次我會用埋紅棗, 妃子, 川芎同當歸整, 咁會令雞更加香!