屎尿訓練 - 初見曙光

 

 BOBBY識望鏡頭喎, 一見閃燈就望實, 所以呢張映得好好~

 Bear Bear已成為佢既好朋友, 佢地形影不離嫁喇~

經過咁多日既訓練, 我可以話係摸不著頭, 唔明點解都仲係一時啱一時唔啱。因為頭一,兩日我用尿片冇用, 佢係咁避開塊片, 所以之後我一直都冇用到。

 琴日鬼佬話:"不如再試吓用尿片啦, 可能初頭佢未摸熟啫". 結果我試番, 竟然琴日佢全部都上尿片痾呀!!!

雖然琴晚我地訓嗰十日鐘佢都有痾咗响第二度, 不過都係廁所範圍, 但唔怪得佢, 因為佢尿尿多, 而且我都睇番係塊尿片都痾都好多篤, 所以佢先唔再响上面痾....好乖乖喇~~

 最鐘意映佢訓覺個樣,每次佢都訓得好安心。可能大D唔會咁嫁喇~ 要映多D呢D相先得.

 

鬼佬响到打機, 佢就响條梳化gap到訓到咁......如果有睇周星馳套戲, 應該會記得呢句....

"好一條硬狗"

義工比咗另一個領養人d相我睇, 呢個係bobby兩個妹妹 

呢個係bobby媽媽 - 兩歲

仲有妹妹都係未被領養嫁, 有興趣既朋友可以考慮吓嫁~