第三日我地會由大阪出發名古屋, 由於名古屋嗰邊間民宿主人要五點後先有人, 所以我地今日大部份時間會响大阪行街街, 而大約四點幾五點就渣車出發。
我地去咗梅田既Yodobashi-Umeda 行咗陣, 就去樓上既食店食蛋包飯。
日本真係冇野會唔好食, 又係求其搵間, 都好食到不得了。
老實講, 我覺得黑門真係一個旅客區, D野都偏貴, 而且去到黑門周圍都聽到廣東話, 國語, 好冇旅行既感覺。
所以我地行咗一圈, 冇都冇買、冇食、連相都費時映就走咗了。 其實真係冇乜大不了, 响其他地方既刺身一樣好味, 而且又平好多。
大約四點幾五點我地由大阪出發, 渣車去到接近名古屋既長濱市, 車程大約三小時。
呢間民宿比大阪嗰間仲大, 好有鄉村風味。
不過就唔夠乾淨, 而且個暖氣唔夠力, 好多時我地都覺得凍, 好彩茶几下有日式暖爐, 我地長時間都坐响地下伸隻腳入去先覺得好D。
沒有留言:
張貼留言