去旅行既第一日, 通常都唔會plan D乜野特別既行程, 多數都係周圍行吓、買吓、食吓咁, 我地都唔例外。
黎到九州, 當然拉麵係唔少得啦! 一落機我地就去咗博多運河城, 因為五樓有一個拉麵競技場。而呢到係集合咗日本全國八間人氣拉麵店。
我地都冇特別心水, 就求其搵咗一間食。
拉麵配生啤~~~ 識食一定係咁配~~~ 人生一大樂事也~~~
運河城其實係一個連接幾個商場既大型商場, 入面有戲院、食店、購物商場......不過大多數比香港貴, 所以冇野買到。
身為一個毒L, 黎JUMP SHOP朝聖是常識吧! 不過鋪位有D細, 有點失望, 响到亦冇買到野, 幫荷包慳番D~~
夜晚去咗中州區既屋台感受吓當地大排檔既風味, 每一個車仔檔入面大約坐到6-8位客人, 大多係食拉麵、串燒之類。
呢到係一個遊客區, 所以門口既店員都識講簡單中文
最後我地揀咗一間冇人既串燒鋪, 不過當我地入去後, 客人亦不斷入黎喇 (嘻...我地帶旺咗個場^O^)
老闆都幾型嫁!!
所有檔口都係用炭燒, 所以特別香口有風味~~
我地三個人食吓串燒, 飲吓生啤, 埋單都只係每人百零蚊港紙 , 當然唔係食飽嗰種, 不過可以感受吓氣氛, 呢個價錢絕對值得!
屋台當然唔能夠當晚餐啦, 所以我一早plan好咗要黎一蘭總店食。响香港我係從來未去過一蘭, 因為要排隊, 我係最憎排隊嫁喇!!
好彩福岡呢間唔使排隊, 一去即刻叫我地入座
叫咗一蘭自家製既清酒, 我平時都唔飲清酒嫁, 不過呢種酒我又啱飲喎! 甜甜地幾易入口!
其實一蘭拉麵只有一款, 坐低後店員會親自問你想叫乜食。例如兩碗麵、三杯酒.....之後佢會再比一張紙你圈圈圈 , 例如你想要麵既濃度、硬度、辣度、白蔥、青蔥 (建議要白蔥, 香好多).....
好快就有得食嫁喇........
一蘭既拉麵味道係偏濃, 正正合我地心意。朋友仲可以飲哂入面既湯, 勁!! 所以飲完後佢發現碗底竟然有句野, 意思係飲哂D湯才是最高境界。朋友即時自我感覺良好 ~~
我自問未到最高境界, 不得不比個服字你。皆因我仲想留肚去便利店買飯團、杯麵做宵夜.....
旅行就是要食食食嘛~~~~
沒有留言:
張貼留言