2017年1月7日 星期六

2016福岡自駕之旅 - DAY3 唐戶市場


唐戶市場 - 相信去過九洲既朋友都會知道呢個魚市場。 我地响第三日要由福岡搬到去南小國町, 雖然去北九洲既唐戶市場係唔順路嫁喇, 但知道呢到逢星期五六日都會有平壽司賣, 一定唔放過啦。





 刺身飯面係鋪滿哂刺身, 多到你唔信都只係約港紙$70。

而好多大大件既壽司都只係賣200日元 (約港紙$14), 講緊既並唔係普通三文魚嗰類喎, 而係有拖羅!! 仲要好新鮮!!



上綱睇係有雞泡魚刺身可以食, 但行咗一個圈都唔多覺有。可能晏咗來了, 因為我地黎到11點左右, 好多鋪已經收檔, 新鮮魚既檔口只見幾間係未收。

好彩賣壽司嗰幾間檔口仍然營業, 我勸想睇到呢個魚市場全相既朋友, 就要早點到喇~

 三個人KO哂呢到所有野, 每人都只係用咗約港紙百幾蚊左右。


 滿滿既海膽, 我一路食一路讚、係咁講:"嗯...好味呀...嗯...好新鮮呀...." 

三條友好似前世未食過海膽咁....(確係! 香港好難食到咁新鮮又平既海膽!)


蔥吞拿魚壽司 100日元/件
拖蘿壽司         200日元/件
三文魚腩壽司 100日元/件
麵包蝦天婦羅 1000日元/三件



魚市場入面買完既壽司, 佢會比哂餐具你,  然後就可以出去海濱既位置食。有得坐又望住個海, 呢日天氣仲好好添~~

大家留意番呢到只係星期五六日先會有呢D壽司賣, 如果平時佢就係一個普通魚市場, 當然佢附近會有食刺身既食店。 但黎到魚市場, 買出去望海食會係另一番風味, 而且價錢亦平好多添!


沒有留言:

張貼留言