2017年4月18日 星期二

獨遊京都大阪 - 第二天的三食鰻魚早餐

日本的鰻魚飯相信好多人都試過, 去到日本, 除咗壽司、拉麵....冇理由唔食鰻魚飯嫁~~


不過吸血鬼好怕嗰D出名o既鋪頭, 一來多遊客, 二來出咗名o既多數名不符實。 



今次我就响京都所住o既民宿附近搵到呢間鰻屋。好名顯入面只有鰻魚食....

呢間鰻屋响我所住民宿附近, 之前已經响google map 見到有呢間野, 我再問問民宿主人, 連佢都話好味道, 我就一於決定第二朝既早餐就搵佢解決~~


呢間鋪頭只有四至五張呢D席



而我一個人當然坐bar枱啦....我鐘意坐bar枱嫁, 可以望到所有野.... 

bar枱位置都只有5-6個位



我點咗三食套餐


呢間鋪頭只有一個師傅同一個女待應

客人叫完後師傅會即刻响個木桶到捉到條活生生o既鰻魚出黎"湯" 




然後串起鰻魚, 之後就會放响炭爐上面燒, 燒到差不多就見到師傅淋D鰻魚汁上去, 再燒多陣....


燒完就可以放上D飯到喇~~~ (好期待....)



鰻魚食三食意思係: 見到右下角個碗仔嘛? 

一食 - 先將左下角的鰻魚飯"筆"一小碗落碗仔入面....咁叫一食
二食 - 食完一食後, 再"筆"D鰻魚飯落碗仔, 然後再加左上角嗰三碟配料落去撈
三食 - 好喇...又食完一碗。 三食就係將飯加右上角既茶/湯撈埋一齊食, 好似湯飯咁(唔好以為湯飯好古怪, 我初初都係咁唸。結果食過名古屋同京都既三食後, 都覺得好正呀!!!!)


2500日元(約$175)的一個鰻魚三食餐, 雖然响我呢次窮遊日本既預算中係高消費咗, 但咁好味又咁新鮮既鰻魚飯, 我真係覺得值得的~



沒有留言:

張貼留言