去旅行我鐘意行到邊食到邊, 除非好似神級蛋包飯嗰D要特別預約, 如果唔係我就一定唔會plan自己食D乜~
好似今日咁, 本來係唸住去魚市場食野, 點知自己訓晏咗, 去到時乜都收哂。 結果行吓行吓.....亂咁行....比我見到間迴轉壽司店, 正~
一入到去侍應會比呢個牌你, 記得搵番啱號碼既座位坐呀, 埋單就係靠佢嫁~
全部自助型式, 响部機上搵你鐘意食既壽司 (有哂圖, 一定明嫁喇)
揀幾多件
然後選"注文" (我初頭選咗隔離嗰個, 點知眼見人地D壽司係咁黎, 自己一碟都冇)
結果要"呼叫"搵侍應黎幫手 , 真係大鄉里 > <
之後好快就會送到你前面
拎咗碟壽司後, 按呢個綠色制, 輸送帶就會番番去嫁喇
食完後個碟就放入你前面個收集位, 就係用黎計你食咗幾多碟嫁
所以一開頭叫你千其咪坐錯位
全部壽司都係100日元, 但質素非常好! 好過香港嗰D板X呀、元X呀.....
呢隻牡丹蝦都係100日元, 好大隻呀!!
我食咗大約7-8碟, 勁滿足~~ 為起只係幾十蚊港紙埋單。
都係嗰句, 唔係遊客區, 入面全部都係日本人, 侍應連簡單英文都唔識, 咁先可以享受真正旅行的樂趣!!
沒有留言:
張貼留言