2017年4月28日 星期五

獨遊京都大阪 - 獨L自斯燒

响大阪我係住响"動物園前駅"附近的一間青年旅館, 而附近就有好多日式的小食店。包括拉面、居酒屋.....

而好奇怪, 雖然附近好多青年旅館, 即係好多旅客啦~~ 但我兩晚不斷响呢條街睇, 都唔覺有旅客入去呢D小店入面食野, 反而好多上班族男士

可能旅客都去哂心X橋呀嗰D地方, 啱哂! 我就係唔會去嗰D旅遊區, 所以呢晚比我搵到呢間自斯燒烤店




燒烤店只有兩夫婦經營, 而座位亦係好似日劇嗰D食堂咁, 十零個位圍住坐。


食店入面裝修好舊, 但我就係鐘意呢種風味

有好多種酒, 相信老闆應該會調較各種酒, 可惜我唔識日文, 只係識叫啤酒~


呢個電話真係好舊懷, 依家好難見到了~



點解叫自斯燒? 咪就係每個人前面都有自己一個爐, 自己叫一碟自己燒


一碟既份量都唔少嫁, 呢碟牛乜乜, 600日元(約$42) , 唔係切薄片咁嫁, 係每一件都好有份量!!!

我食完一碟, 再叫多一碟牛心, 已經好夠飽喇~ 飲咗一枝啤酒, 埋單大約港紙百零蚊


當晚我所見就係每一枱客人都係自己一個入黎, 全部都係日本人, 仲全部都係男性

呢張相係我啱啱坐低時映, 到我差不多走時, 十零個位都幾乎坐滿。 而我左邊就黎咗兩位應該係剛下班的西裝男士, 右邊就坐咗一個大約七十幾歲既伯伯。

由於地方好細, 大家都只係叫一碟, 燒完先再叫第二碟, 當晚有D食店就會同老闆傾吓, 有D亦會同隔離講吓。

如果我識溝通, 相信會仲過癮, 可以同人傾吓, 再share吓大家碟牛肉.....

雖然係一個人, 但一D都唔覺得寂寞, 比我搵到呢間燒烤真係好開心, 下次有機會一定再試~

沒有留言:

張貼留言