今次要介紹吓呢間布吉既民宿, 真係超級正!!!
都係响Airbnb訂, 五百蚊一晚~~ 係咪好抵呢? 民宿係一個外國女士擁有的, 佢就只係响bnb同我email聯絡, 去到時隔離屋有一位泰國女士交鎖匙比我, 跟住呢三日我同鬼佬除咗夜晚出去食飯, 全日都留响呢間民宿到嘆~~
出面有一個私人泳池, 每日就係响到曬、游、再曬、再游.......
鬼佬就坐响嗰張藤椅到曬。我已經好黑嫁喇, 我就搬張椅入去望住鬼佬曬~~
屋外有張大餐椅, 通常我地夜晚食完飯番黎就响呢張餐椅到飲吓酒、睇吓戲.....
呢到一定要自駕, 因為冇車會到。民宿亦有位泊車
其實全民宿都好有泰式風味, 成個feel好正呀~
全屋只有睡房有冷氣, 不過ok啦, 去泰國都預咗熱嫁啦....
開放式廚房 - 我地每朝都响到煮早餐
呢D屋响香港根本冇可能住到, 呢幾日我完全覺得自己係一個富豪呀!!!
渣車出去買齊野, 然後每一日既早餐同下午茶都响民宿內攪掂
雖然好多人去旅行都唔會留响住宿入面, 鐘意去多D地方。但我同鬼佬係hea遊一族, 鐘意優優閒閒咁, 特別係book咗呢一D簡直係別墅既地方, 根本唔願出去啦~~
每日响到曬住、嘆住啤酒......啊....我唔想走呀.....
去到黃昏時間唔曬喇, 我會走出黎坐响張藤椅到膚mask... 大家想像到嗰種嘆爆的感覺嘛?
呢到好接近大自然嫁, 四腳蛇大把唔使講啦, 仲有好多小昆蟲陪伴你, 蚯蚓、草蜢、青蛙.......其實我都驚嫁! 不過可能因為去旅行既心情實在太好了, 我勉強當睇佢地唔到囉~~
又計計今次布吉用咗幾多錢先:
機票連稅二人共 $1000
頭兩晚民宿 $400
別墅民宿三晚 $1500
巴東區兩晚酒店 $400
_______________________________
$3300
沒有留言:
張貼留言