亂咁黎沙律

天氣咁熱你真係咪鬼叫我煮飯呀! 就算整呢個沙律都要開火烚野, 都已經成身汗了, 不過都叫方便, 同埋一次過整多D可以食幾餐.....哈哈....咁又可以懶幾餐了!



我整既沙律一D都唔會肚餓嫁, 因為一定要有通粉、螺絲粉之類既野, 咁先夠飽嫁。

其他材料其實好隨時, 你覺得有乜夾就整落去啦

磨菇、紅黃椒、雞蛋、吞拿魚、三文魚肉、粟米粒、洋蔥粒、煙肉.......

其實最重要係個醬, 我多數會用BB沙律醬+茄汁, 呢個配搭好新鮮又醒神, 大家可以試吓~~


記得食時先落醬, 因為食唔哂可以雪起佢, 下餐唔想凍食可以將佢地變成熱食都得! 加個紅汁或白汁煮番佢, 入焗爐加片芝士焗就攪掂!