作為一名師奶, 價錢呢家野對我黎講都好緊要嫁。所以我已經記低哂所有價錢, 等想去長洲既你、同想帶埋狗狗去長洲既你都可以參考吓!

首先係BOOK房:

依家一般黎講都係BOOK東堤嗰一邊, 或者叫邁亞美海灣。

今次BOOK呢間係兩房一廰, 兩日一夜, 位於地下嗰層, $1300, 每加一狗多$100

兩房一廰, 每間房都有四呎床。而其中一間房係有上下架床, 上架都有三呎嫁~

天台好闊略 (約有四至五百呎) ....不過佢會同你講明, 如果當日有其他住客要用, 係要三戶一齊分一個天台嫁, 不過爐係各自的。

好彩我每次去CAMP都會揀閒日, 所以都係我地自己用哂個天台......勸各位想自成一角的朋友們, 唔好揀weekend去, 因為一定會同人share天台的~~

BBQ食物方面:

買咗各式各樣既海鮮, 4人份量,價錢都算合理, 約$450

故鄉俱樂部 Hometown Members Club

佢既手卷$10一個, 令我短短兩日一夜既行程都要食兩次....

長洲既茶記多數都冇下午茶嫁, 好多都係散叫。不過唔使怕, 其實同市區分別唔大~~

有狗狗既BLOG友們, 我由荃灣去中環碼頭, CALL車只需$150 (包哂狗狗同隧道費)

長洲坐船, 狗狗買票, 每隻$18。

總括黎講, 依家去長洲其實唔算平, BOOK晚渡期屋仲貴過出國BOOK酒店~

我地兩公婆就使咗兩千銀喇, 訓一晚渣喎。仲要記住我地係冇去到飯店食海鮮嫁!

不過值唔值就你覺得喇。因為我地想同BOBBY一齊去玩, 又唔係成日都會咁做, 所以間唔中一次咁使法都覺得值得同OK的~

吸血鬼廚房