番茄蟹柳腸仔意粉

自從熱咗咁耐, 我都懶咗好耐喇~ 成個月都冇做運動, 又成個月冇點煮飯。鬼佬雖然冇出聲, 因為佢都知天氣好熱, 不過個樣就唔多like囉~

冇計喎! 對住個火, 煮完我都唔多like啦....你就張就吓, 等多兩個月冇咁熱嫁喇~~哈...

依家就算煮, 都要快快手, 留响個廚房耐都想死呀! 唔好話開火啦, 切完D野都成身汗喇~

所以煮意粉係幾好既選擇, 仲有埋呢D懶人罐頭, 20分中就有得食!

切好蟹柳, 腸仔, 煮好意粉。所有野放哂入鑊, 加一罐香甜蕃茄, 再加一罐水, 撈吓撈吓再調味, 放埋芝士入焗爐, 攪掂 

係咪真係好方便呢? 最正係食完都只係洗兩個兜, 快靚正!