刺身PARTY

去完長洲玩完, 一於唔好比佢停。攪番個刺身PARTY~

上綱訂咗D刺身, 呢盒刺身拼盤盛惠 $380 (嗯....唔知係咪熱得滯, D刺身一拎出黎就唔凍喇, 所以食落冇乜鮮味) 

翡翠螺$88 (500g) 呢到有13隻, 隻隻都手掌咁大, 好鮮味

另外散叫咗兩種刺身, 每種都係30蚊咁上下

講完野食, 我想講講呢兩隻成日出現响我BLOG既小狗約瑟

呢隻係囡囡, 今年七歲, 三年前我朋友响愛協領養番黎。佢好慘慘嫁, 因為係繁殖場救出黎既母狗, 已經生過嫁喇~ 所以身體唔多好, 又易病, 而且唔多似狗, 唔中意玩, 性格比較孤癖。

不過只要佢見到主人,  就會好安樂, 成晚坐响到望實主人已經好開心~

 

呢隻係囝囝, 今年五歲, 四年前我朋友响佢朋友到拎番黎。原因係前主人既小朋友唔識保護狗狗, 攪到佢成日周身傷~ ~ 所以決定將佢比咗我朋友~

呢隻囝好聰明, 識好多指令, 又中意同人玩, 但就唔中意同狗玩。次次見親bobby都恰佢嫁! 


我朋友對狗狗好好, 所以佢兩隻依家都比從前幸福得多!

見到呢兩隻約瑟, 令我唸起我另一位朋友既狗狗亦係約瑟。自從嗰位朋友5年前生咗小朋友後, 我覺得佢家狗狗已經變得毫無地位~

幾年黎我睇親佢既相都只係得個囝囝, 一張小狗既相都冇。後來我响video到發現, 佢長期將佢小狗長困响個40呎既廚房入面。雖然約瑟係好迷你, 但咁困住佢.....唉....令人好心痛~~

我試過問佢:"不如一齊放狗oY?大家住咁近"    佢竟然答我, 我地冇放嫁, 就算係都係我老公負責嫁!  聽佢語氣, 佢已經對狗狗不聞不問, 只係比佢食同住, 有病帶佢睇醫生咁~

雖然我唔係人母, 但有時真係好嬲D女人生完就咁樣! 狗狗會feel到的, 响一個家入面連想出廰都唔可以, 响主人心目中已經冇地位......

希望我朋友快d醒覺, 唔好再令狗狗咁慘了~