5餸車仔麵

我從來都好憎食車仔麵, 因為覺得車仔麵簡直係九唔搭八既野, 將一堆野撈埋一齊, D味又唔夾, 麵還麵、餸還餸、D餸仲要好似白烚咁, 之後求其撈個汁上去......

老實講, 我真係從未食過好食既車仔麵。不過香港人, 為咗維持生命, 有邊個真係可以餐餐煮oY? 總會出街食飯~~ 而次次食親車仔麵, 我都會同鬼佬講:" 我一定要整一次車仔餸比你"

 

呢晚我就整咗車仔餸: $18豬皮 $5羅白 $10雞翼尖 $30大細魚蛋 仲有$4生菜

70蚊食咗我地兩日, 包哂早午晚咁滯.....食到怕怕~~~

不過絕對好食過出面, 其實只係用柱候醬炆, 一個鐘都唔使D野都已經好入味嫁喇~ 

以後唔會出街食車仔麵嫁喇!!