小乖乖再見了....

今日响FB見到朋友隻英短响琴日已經走了~~小乖乖自細體弱多病, 最終都不敵病魔, 未夠10歲就去咗彩虹橋了~


睇到朋友post既相, 我都忍唔住喇! 見貓貓一個月前開始出入醫院, 又吊鹽水, 又病發, 食唔到、動唔到、痾唔到......真係令人好心痛! 


朋友雖然喊咗好多日, 但都覺得呢一刻對小乖乖係一種解脫。 但願小乖乖去到彩虹橋後做隻快樂既小貓咪!