2017年11月15日 星期三

南瓜蕃茄粟子湯


其實我好少煲素湯,咁啱今日樓下豬肉檔早收,我先用粟子代替。

我好怕攪粟子,D人成日話煲完佢,用條毛巾一"LOOK"就脫殼,我試過好多次,不論煲到佢任何程度,總之我一"LOOK" ,成粒粟子就粉碎!   算了,我依家用指甲慢慢MET,所以次次都攪好耐嫁,冇計~~

新玩具 - 攪拌機

八月嘅時候買咗部攪拌機,見朋友成日話將D生果呀,菜呀,乜都好啦,攪埋一齊飲,又健康又好味。。。

2017年7月15日 星期六

川芎白芷天麻燉魚頭湯


上個月鬼佬頭痛得好勁, 係連續頭痛冇停咁, 持續咗一星期, 食完止痛藥止咗兩三個鐘, 藥力一過咗又痛過。

因為鬼佬從未都好少會頭痛, 突然間咁樣我地都好擔心。 所以即刻去咗私家醫院到睇, 住咗一晚醫院, 照咗MRI, 唔係D大獲野 (最擔心係腦有D乜野野)。 檢查咗一大輪, 洗咗兩萬蚊, 醫生都唔可以講到一個確切既答案.....

2017年7月8日 星期六

涼拌青瓜木耳



香港的夏天真係好討厭, 一係落大雨、一係焗到抖唔到氣! 

為食的吸血鬼真係每一分鐘都唸食野, 食完正餐唔使一陣又口痕想食零食.....呢幾年大大話話都肥咗廿磅 (仲要係响有做運動既情況下, 冇做運動真係唔敢想像)

2017年6月30日 星期五

布吉民宿

今次要介紹吓呢間布吉既民宿, 真係超級正!!! 

都係响Airbnb訂, 五百蚊一晚~~ 係咪好抵呢? 民宿係一個外國女士擁有的, 佢就只係响bnb同我email聯絡, 去到時隔離屋有一位泰國女士交鎖匙比我, 跟住呢三日我同鬼佬除咗夜晚出去食飯, 全日都留响呢間民宿到嘆~~

2017年6月24日 星期六

冬瓜豬骨雜錦湯飯


其實我從來都唔食湯飯嫁, 皆因細個時個胃唔好 (少女時總係鐘意節食減肥, 攪到個胃唔好), 記得有次食完湯飯後就胃痛喇! 自此之後都唔再食~~

不過依家個胃雖然唔係話非常之好, 但湯飯應該都唔會再令我消化唔到o既~~

早兩晚去朋友屋企見佢煮湯飯, 我又有樣學樣~~

2017年6月3日 星期六

亂咁黎沙律


天氣咁熱你真係咪鬼叫我煮飯呀! 就算整呢個沙律都要開火烚野, 都已經成身汗了, 不過都叫方便, 同埋一次過整多D可以食幾餐.....哈哈....咁又可以懶幾餐了!

零失敗醉雞卷



吸血鬼唔鐘意食出面既醉乜醉物, 因為覺得D酒味好苦 。 我愛飲酒、我愛食雞, 但兩樣野溝埋一齊就覺得唔好食...

不過, 我發覺自己係唔鐘意出面既酒味, 但自己整既又覺得OK喎!

今次呢個醉雞卷可以話零失敗, 我唸完全唔識煮野食既人都一定成功!

冬瓜咸蛋滖瘦肉湯



呢幾日天氣真係熱到不得了, 又焗又想落雨, 但幾日都唔落, 夏天真係好討厭! 可惜香港黎緊只係會越黎越長夏天, 依家連冬天都唔凍, 好懷念以前既香港~

2017年5月20日 星期六

食平D食好D的邊爐

我好鐘意打邊爐, 不過就比較鐘意响屋企打, 因為坐得舒服、又可以用平價錢食到好野。

我有對朋友, 佢兩公婆又係好鐘意食野, 仲要係食到好多野, 次次都搵佢地打, 打邊爐係要開懷大食先開心嘛! (雖然每次食完後個肚會帳成晚好辛苦>_<)

2017年4月28日 星期五

獨遊京都大阪 - 獨L自斯燒

响大阪我係住响"動物園前駅"附近的一間青年旅館, 而附近就有好多日式的小食店。包括拉面、居酒屋.....

而好奇怪, 雖然附近好多青年旅館, 即係好多旅客啦~~ 但我兩晚不斷响呢條街睇, 都唔覺有旅客入去呢D小店入面食野, 反而好多上班族男士

可能旅客都去哂心X橋呀嗰D地方, 啱哂! 我就係唔會去嗰D旅遊區, 所以呢晚比我搵到呢間自斯燒烤店

2017年4月27日 星期四

獨遊京都大阪 - 第三天迴轉壽司

去旅行我鐘意行到邊食到邊, 除非好似神級蛋包飯嗰D要特別預約, 如果唔係我就一定唔會plan自己食D乜~

好似今日咁, 本來係唸住去魚市場食野, 點知自己訓晏咗, 去到時乜都收哂。   結果行吓行吓.....亂咁行....比我見到間迴轉壽司店, 正~ 



 一入到去侍應會比呢個牌你, 記得搵番啱號碼既座位坐呀, 埋單就係靠佢嫁~

獨遊京都大阪 - 第二天京都神級蛋包飯キチ・キチ洋食屋



一直都好想試吓呢個神級蛋包飯 , 原來佢就响京都。 今次我呢個行程要一早準備好, 因為店內只有幾個位, 一定要預早六星期綱上預約, 絕不接受walk-in嫁! 


2017年4月18日 星期二

獨遊京都大阪 - 第二天的三食鰻魚早餐

日本的鰻魚飯相信好多人都試過, 去到日本, 除咗壽司、拉麵....冇理由唔食鰻魚飯嫁~~


不過吸血鬼好怕嗰D出名o既鋪頭, 一來多遊客, 二來出咗名o既多數名不符實。 

2017年4月13日 星期四

獨遊京都大阪 - 第一晚

由於坐中午12點幾機到關西機場, 所以當日去到京都已經係晚上時間, 所以都冇plan到任何野, 就响民宿附近搵野食。

2017年4月7日 星期五

獨遊京都大阪 - 如何由關西空港坐HARUKA前往京都

出發前我爬咗好多文, 好配服台灣的部落格, 佢地真係寫得好好好清楚, 令我第一次獨遊都唔怕, 因為之前綱上做咗好多準備, 又cap哂圖, 未落機腦海已經有哂機場既畫面, 所以一D都冇慌張, 亦冇盪失過路~~

由於我係一落機就直接出發京都, 所以今次都教教大家點樣前往京都。(圖片來自少氣少年部落格及其他台灣BLOGGER)


雖然冇台灣既朋友寫得咁詳細, 希望都幫到大家啦!

獨遊京都大阪 - 京都民宿篇

半年前响廉航訂咗去大阪既機票, 由於從來未試過一個人去旅行, 加上唸住撞吓三月尾有冇得睇櫻花, 就好型咁訂咗一張機票出發喇~

今次係窮遊日本, 所以機票住宿全部都好平:

機票︰ $639 (連稅) 我背包客, 行李都冇買
住宿︰$250 /晚 京都民宿兩晚
$200/晚 大阪青年旅館兩晚
______________________________________________
TOTAL     $1539


首先要介紹吓今次京都所住既民宿。由於今次係一個人關係, 所以唔想book哂成間屋住, 就响bnb訂咗一間同日本媽媽一齊住既民宿。

2017年3月17日 星期五

鋼鋸嶺 HACKSAW RIDGE

真人真事改編, 亦係2017年奧斯卡提名最佳電影、最佳男主角之一..... 上一次睇Andrew Garfield時已經係蜘蛛俠了, 轉眼間成熟咗好多 (其實係自己老啫) 

鬼佬睇完呢套戲時仲講咗句: "嘩...今年奧斯卡佢攞喇!" (因為當時鬼佬淨係睇咗呢一套) 
然後我同鬼佬講:" 未必嫁....對手好勁嫁!" 

2017年3月4日 星期六

自家制炸菜肉絲


茶記食早餐相信好多人都一定叫過炸菜肉絲麵, 今次又試吓自己煮先。

其實一D都唔難煮, 煮好後可以放响雪櫃幾日, 食麵時拎出黎加熱就可以